«Сия книга города Юрьевца Костромской губернии мещанина Александра Петрова Смолина 1866-го года февраля 21 дня». Житие Симона обрывается рассказом о древоделе именем Поликарп.

Вероятно, краткая редакция представляет собой первичный вид Жития Симона Юрьевецкого. В ней присутствуют больше местных реалий, связанных с жизнью города. См., например, описание гробницы Симона в Юрьевце: «Егда преставися блаженный во 105-м году и лежа без призрения простися. Егда же изволи Бог над гробом блаженнаго новый храм Богоявления Господня и Пречистыя Богородицы Одигитрии придел святаго пророка Илии и преподобнаго Макария Желтоводскаго, и егда место под деревом изравниваша и землю в лето 4-го 129 году обретиша над гробом блаженнаго Симона, в земле плиту каменну, на ней же изображен крест Божиим изволением, а не человеческим начертанием. И егда заложиша той святый новый храм Божии и обложища ряда два блаженнаго же Симона грот лучися во окладе за клиросом во угле. И поведаша священницу построити над гробом блаженнаго древяную гробницу, чтобы место то в попранием ногам не было.» (ОР РНБ. Ф 550 (ОСРК). Q. 1. 1102. Л. 224).

В Житии Симона Юрьевецкого приводится описание внешности юродивого. Интересно, что в одной из рукописей имеется изображение юродивого, соответствующее этому описанию (10) . Несмотря на известность данного произведения и неоднократные обращения к нему исследователей (11) , до сих пор издание памятника не было осуществлено.

Краткая редакция.
ОР РНБ Ф 550 (ОСРК). Q. 1. 1102. Рукопись XVIII века. Сборник разных почерков. 328 лл. В 4-ку Житие Симона Юрьевецкого л. 222–224 об.

Пространная редакция.
ЮКМ 869. Житие Симона книга-рукопись. Конец XVIII – начало XIX века. В 4-ку. 3 л., 48 л.

На обложке прямоугольный ярлык (запись на листе обложки: Сия книга принадлежит ученику 3 го класса юрьевецкого …).
На обороте листа, следующего за л. 48-м, находятся следующие пометы:
чернилами: Наша книга сия. 1847 года июля 3 дня. Смотрил пера.
Между последними записями карандашные пометы: 1847 г. Принадлежит ученику.
Ниже круглый чернильный оттиск печати Юрьевецкого отделения Иваново-Вознесенского губернского научного общества краеведения.
Внизу под оттиском печати едва заметная карандашная запись: Уважаемая Анна Ивановна.

 

Издание источника осуществлено по утвержденным правилам 12 . В соответствии с современной орфографией и пунктуаций произведено деление текста на слова и предложения, выделены прописные буквы. Текст передан буквами современного гражданского алфавита, с заменой вышедших из употребления букв современными (i– и, ѣ – е, ѯ – кс, ѳ – ф, ѡ – о и т.д.) Слова «под титлом» раскрываются без оговорок. Кратное «и» обозначается по правилам современной орфографии. Выносные буквы внесены в строку без выделения. Гласные, опущенные в рукописи после выносной согласной, вводятся в текст без оговорок.
Числа, обозначенные в рукописи буквенной цифирью, передаются арабскими цифрами. Мягкий и твердый знаки ставятся по современным правилам. Знаки препинания расставлены по смыслу. Реконструированный текст помещается в квадратные скобки.

Краткая редакция Жития.
ОР РНБ Ф 550 (ОСРК). Q. 1. 1102.
Житие и подвизи святаго иже блаженнаго Христа ради юродиваго Симона Юрьевецкаго чудотворца иже в Богоявленском монастыре.

​

(Л. 222) Сей бе блаженный рождение и воспитание Плесскаго уезду села Одолева христиану родителей. Поведа о себе отца именем Иродиона, матерь же Мария. Нецыи людие из веси глаголема Елнати уезду града Юрьевца Поволжскаго древодели сущи, и хождаху в дебре во время собрания меду, обретоша сего блаженнаго Симона в дебрех ходяща и вопрошаху его: откуду и коего града, и не поведа о себе ничтоже, токмо имя себе сказа Симон. И взяша его с собою и приведоша его во свою весь к некоему священнику именем Иосифу и у него пресвятой работая в ручных жерновах и дрова сечаше на всех ту в селе том живущих и ни с кого ничесоже взимая. И оттуду прииде во град Юрьевец и хождяше  без одежды, в одной ходе срачице бос [оьзча] (13) же блаженному ходити в зной и во мраз тихо согбенныма рукама, и кто на него возлагаше портицы или сапоги и шед мало с себе [помедтаме] (14) или картеминцу с него совлачаху, а на него худое возлагаху или в рогозину облачаху его, он же не обзираяся отхождаше. Обычай же имея часто приходити на курчму по своему нраву и иногда и по нужде обнощевати в зимнее время и в корчемной всю нощь пребываше и корчемником ступаше, сна не дая, они же его вон изганяху. В зной или во мраз хождяше же по реке Волге, многия люди видяху след его боевыи и не во един год зимнии иже (л. 222 об.) и когда пиют на корчме людие, а они приношаху ему пития, он же мало пия, а у иных не принимаше, а кто ему не подаст, у того силою изымаше и питие изливаше. И кои неведущиелюдие и его про то юродиваго бияху, он же все Бога р ади терпя и ничесоже им зла творяще, токмо себе бранящи: Симеоне уроде, не стоя горчан. В некое убо время градодержец пореклу Третьяк Трегуб (той же блаженный Симон уродство творяше прииде к нему в дом) он же повеле его безчестно сослать и пойде из дому его блаженный и пререче ему: Заутра у тебе
с сеней корова свалится, и тако сбывается по пророчеству его: жена его Акулина именем спаду с сеней. В некое время той же блаженный Симон тому же градодержцу прорече, яко хощет пожар быти на град. И не по мнозе времени погоре посад дворов до семидесят, и во время того пожара повеле градодержец блаженнаго Симона сыскати, и приведоша его ту и нача градодержец молити блаженнаго дабы пожар престал. А он же уродствовавше, якож ему обычай, и внезапу удари в ланиту градодержца и показа ему рукою семо и овамо по улицам и по та места пожар престал. Ино чудо хощу Вам сказати поведа нам некий человек именем Иосиф пореклу Зубарев того же града Юрьевца, глаголя: в некое время ехаше он чрез великую реку Волгу и внезапу воста ветре зело велик, и буря, и волны велики. И начатои Иосиф в лодицы своеи утопати и абие узре по брегу идущи блаженнаго Симона и рече в себе: Помолися за мя, Симоне, ко Господу, чтобы ми преехати здрави, аз тебе дам срачицу и сапоги. И абие утишися в тои час и прееха здраво и иде в дом свои и забы обещание свое ко блаженному. По мнозе же вре (л. 223) времени срете преждереченный Иосиф того бла-
женнаго Симона идуща по улице и глагола ему Иосиф: Симоне, подай руку. (Таков бо бяше обычай у блаженнаго на встрече идущим подавашен руку). И не подаде ему блаженныи руки, но рече ему: Забых еси, Иосифе, обещание свое, когда на велице реце Волге тонул еси и тогда глаголя: если, Симоне, помолишся за мя ко Господу, чтобы ми приехати здраво бы, тебе дам срачицу да сапоги, а и доныне забыл еси обещание твое. И воспомяну Иосиф, еже обещал ко блаженному, и прося у него прощения.Того же града Юрьевца соборныя церкви святаго великомученика Георгия священник именем Алимпий рыбу яде и ста у него в глотине кость. И много дни имяше ту велию кость, и животе своего отчаявся и едва в некое время изыде от дому своего и прииде в корчму. Блаженному же Симону прилучися ту, той же иерей хотяше ко блаженному глаголати, чтобы помолил Бога от болезни сея его избавити и абие напрасно блаженный вскочи от места своего и ухвати того иерея за гортань и нача его давити, тои же тогда на землю влежа яко мертв, и изыде из гортани его кость со многою кровиюи по мале час воста ничуя в себе болезни нимало и бысть здрав.

​

Поведа некий человек Петр пореклу Сутырь, видев во осеннюю годину в нощи из двора своего на реке Волге волну велия и человека, идущу чрез Волгу по водам. И изыде Петр из двора своего видети чудес великаго (бе бо двор его близ реки Волги) и ужасеся зело и абие виде, яко блаженный Симоне ходяше по водам, в руце же держа древо, и прииде к вышереченному Петру и запрети ему именем Божиим еже поведати сего великаго чудесе никому, доколе жив. По смерти же блаженнаго Симеона во всем мире проповеда сие преславное чудо Петр в не (л. 223 об.) в некое время блаженный Симон прииде ко градодержцу именем Феодору Петелину в дом, и про некую крамолу разьярися тогда Феодор, нача его бити, и оттого блаженный разболевся у него же Феодора во дворе лежаща и желаше иерея покаяния ради душевнаго. И прииде к нему иерей, он же все по ряду ясно ответ дая иерею и, причастися святых пречистых и божественных таинств тела и крови Господа нашего Иисуса Христа, предаде дух свой Господу. Той же Феодор плакася горко о своем прегрешении, еже ко блаженному согреши. Егда же блаженнаго душа исхождаше из тела, и в той час над двором того Феодора Петелина возлетевше два врана высоко. И сразившеся падоша на землю и быша мертву. Тогда той выше-
реченный Феодор повеле созвати весь освященный собор на погребение блаженнаго. И втечеся весь град на погребение его: священницы и иноцы, мужи и жены и дети малии и велиции  и погребоша с честию великой блаженнаго со псалмы и песни духовными в том граде Юрьевце в посаде в Богоявленском монастыре в лето 7102-е ноября в 4 день в пяток в 4-м часу дня. Тогда был на погребении блаженнаго государев писец Постник Шипилов и иныя приказныя люди,коим прилучися во граде быти, и из окрестных волостей великих чинов людех множество.

​

О чудесех святаго иже по смерти быша.
Егда градодержец Феодор на погребении блаженнаго многу милостыню из влагалища своего даяше нищим. И яко с погребения прииде в дом свои, и виде во влагалище своем серебра яко не изгибени (л. 224) ничтоже от многаго раздаяния и о сем удивися зело, како много даяши, а ничего не изгибе.

​

Той же блаженный Симон возрастом бысть средний, плечист, черн влас, брада средняя,черна без брудей. На главе имея влас черн велики не кудревани а лица не закрыли, свита красная по колени, ноги бос. Егда преставися блаженный во 105-м году и лежа без призрения простися. Егда же изволи Бог над гробом блаженнаго новый храм Богоявления Господня и Пречистыя Богородицы Одигитрии придел святаго пророка Илии и преподобнаго Макария Желтоводскаго, и егда место под деревом изравниваша и землю в лето 4-го 129 году обретиша над гробом блаженнаго Симона, в земле плиту каменну, на ней же изображен крест Божиим изволением, а не человеческим начертанием. И егда заложиша той святый новый храм Божии и обложища ряда два блаженнаго же Симона грот лучися во окладе за клиросом во угле. И поведаша священницу построити над гробом блаженнаго древяную гробницу, чтобы место то в попранием ногам не было. И в то время прииде того же града жена некая именем Соломония и молви священнику, дабы над гробом блаженнаго панихиду отпели. Поведа же им, яко в болезни велики боляше и полутора года бе, и явися ей во сне человек в худе срачице до колена, ноги босы, бе ростом средний человек, плечист, лицем
скуловат, брада невелика черна, на главе власы черныя же велики и рече ей: Иди в монастырь Богоявления Господня и вели над гробом Симона юродиваго панихиду отпети, она же на утрие воста от одра своего и обрете себе велма здраву и во (л. 224 об.) и вопросиша ея священницы и вси людие, знала ли она блаженнаго Симона на земле жива. Она же сказа им, яко в то время и не родися. И которыя старейшия иереи и людие помняху блаженнаго жива и зело удивишася о словеси ея, что истину изрече, каковаму его знаяхом, такова и поведа.

​

Подробно же и се чудеси во 143-м году начаша другую гробницу в церкви над гробом блаженнаго строити поверх мосту церковнаго при игумене Дионисии. И в кои час заложиша, и в том часе приспе благословение от святейшего Иоасафа патриарха московскаго и всея Росии с Пафнутием Годуновым: повеле над блаженным гробницу построити, чтобы в попрание ногам место то и не было. И повеле написати святаго и блаженнаго
Симеона образ на шестилистовой иконе, а над главой блаженнаго повеле написати образ всемилостиваго Спаса и на том же образе на право стране образ святаго апостола Симеона Зилота, ангела святаго Симона Юродиваго. Мощно бы тому благоволению прежде или после приити того здания, но некиим смотрением Божиим и молитвами блаженнаго Симона в тои час сбытся в лето 148-е 5 ноября в 16 день. Прииде в церковь святаго Богоявления Господня человек некий именем Георгий немощен зело и языком не глаголя. И поведа ему себе священником и людем: яко спящу ему во едину от ночей, явися ему раб Божий Симон и глаголя ему: Поиди в церковь святаго Богоявления и отпой над гробом блаженнаго Симона панихиду и будеши здрав. И по явлению блаженнаго, отпев над гробом панихиду, и в том часе здрав бысть и нача языком глаголати. Такоже от гроба блаженнаго Симона и доныне всякаго чина и возраста с верно приходящися от очивныя болезни исцеление приемлют, славяще Святую Троицу Отца и Сына и Святаго Духа и ныне и присно
и во веки веков. Аминь.

​

ОР РНБ Ф 550 (ОСРК). Q. 1. 1102.

​

Пространная редакция
ЮКМ 869.
Житие Симона книга-рукопись.
(л. 2) Оглавление книги
Глава 1-я. О житии святаго и блаженнаго Симона, и о рождении и воспитании
Глава 2-я. О чюдодействиих его, яже сотвопи при животе своем во граде Юрьевце Поволском
Глава 3-я. Чудо о прихождении блажкннаго во двор Третиака Трегуба и о проречении смерти жене его
Глава 4-я. Чудо о купце именем Логгине называемом Корепе
Глава 5-я. Чудо о пожаре, бывшем во граде Юрьевце по пророчеству блаженнаго Симона (л. 2 об.)
Глава 6-я. Чудо о преждепомянутом купце Корепе
Глава 7-я. Чудо о Иосифе Зубареве
Глава 8-я. Чудо о священнике Алепии
Глава 9-я. Чудо о вдовицине сыне
Глава 10-я. Чудо о женах
Глава 11-я. Чудо о Петре Сутыреве
Глава 12. Чудо (о Петре) второе подобнее тому же
Глава 13. О преставлении святаго
Глава 14. О чудесех по преставлении его [л. 3]
Глава 15. Чудо о земледельце Георгии
Глава 16. Чудо о жене Иулиание
Глава 17. О явлении блаженнаго Симона очевидно во время болшаго пожара
Глава 18. Чудо о древоделе Иоанне Поликарпове
Глава 19. Чудо о жене именем Марии

​

(л. 1) 15 Месяца ноембрия в 4 день житие Христа ради юродиваго. Подобаше убо первее досточесне воспомянути возлюбленная родителя сего, кто и откуду веру от неюже и сей блаженный Симон по плоти родися прежде жития его подобает явити: сего ради яко он ими к богозданней духовнаго рождения бани принесеся и в правовернем благочестии воспитася, и направую благочестия непорочнаго стезю наставися, негли и евангельскому Христову (л. 1 об.) закону научися, ныне же житие его на небесех есть. Бяше же от предел града Плеса, иже прежде многих лет град бе велик , а ныне мало не да в запустение прииде, стояше же при велицей реце Волзе, выше града Юрьевца Поволскаго осмьдесят поприщь. Сей же блаженный и преподобный Симон чюдотворец бысть от села именем Оделева от родителей благочестивых и боящихся Бога именем Иродиона, матере же Марии бывших земледелцев, иже рождашагося от нею сего блаженнаго отрока христианству приобщиша, по обычаю нашего закона, но точию сие от нас утаися, мановением Божиим, иже от учения божественнаго писания книгам умел ли, или без (л. 2) книжным от Духа Святаго учением просветися во благи спасения путь, якоже и мнози от святых мудрованием. Обаче нам есть яве сие, яко он еще от младенства освятися Богови и с возрастом телесным возрасташе в страх Божии: ибо благое разума разсмотрив яже о себе, яко по образу Божию создан есть, и еже знати его сподоблен, и словом паче
всех животных украшен бысть. Тем же и безбрачие егда к возрасту доспе, яко ангельского подражание облобыза, паче брака девство избра, яко да наипаче возможет Господеви работати и угождати, по апостолу: не оженивыися печется како угодити Господеви, невозможно бо заповеди Божия содеяти никомуже, разве терпением и молитвою, и упованием на Бога, вси бо святи себе от мира сице отлучаются, тем же разуме бо и виде он (л. 2 об.), яко вся яже суть зде суетна и оскорбление духа вся оставль, тому изволи последовати, прием убо креста непреборимое и врагу страшное оружие. И бысть яко юроди несмыслен, и невежда
волею своею: в волном бо юродстве сый разсуди скрытии от внешних человеческих очеса своя добродетели, всем видевшым на ругание житие свое сотвори, яко безумен и ничто же знаяй, и пако от плакания достоин хождаше: босе внутренний человек в нем обновися. В сих бо добродетелях живущу ему, не изволи во отечествии своем в таковом сый юродственнем нраве пребывати, но восхоте от своих соплеменник бегством утаенным в чюждих странах отлучитися и странен и неведом бытии, идеже Вышняго воля наставит пресели-
тися. Тем своим си изнаемых оставль, изыде таино един в пустыню, (л. 3) ничто же с собою взем, токмо ризу едину, в нюже оболчен, в пустыни же тои скитаяся некое время никим же видим, питашеся бо в неи растущим злачем, и ничто же ино ношаше, яко же прежде рекохом, но токмо тело и рубы, в няже бе одеян: и тако вся пустынныя напасти и бесовская искушения пострадав, в пространстве непроходимых лесов и дебрей скитаяся, от весеннаго начала лето мало не все, даже до времене жатвеннаго. Дойде же пустыни и непроходимых лесов, прилежащих к пределом града Юрьевца Поволскаго, в них же ходя молитвы о спасении своем к Богу творяше, не ведяше яко близ суть пустыни тоя вышереченнаго града предел и жилища людская: Богу елика восхотевшу, по благоволению своему творяшу, купно и граждан юрьевецких к охранение и спасение и в ползу. Прилучися бо во время то Божиим изволением веси, именуемыя Елиация едина от предел града Юрьевца неким (л. 3 об.) людем, земледельцем сущим и художеством древоделем, ходити сквозе тамошния лесы во время собирания меда по своему обыкновению орудия своего дела, и во
един от дней ходящим им обретоша сего божия человека, юродтва суща, и аки изумлена крыющая, или рещи блудяща в лесе и в дебрях оных вот единей худей срачице жо колена долготу имущей, его же обретшее к себе прияша вопршаху же имене его и откуду прииде во оный лес хотяху уведете, но он ничтоже ответа даде им, аки воистинну буиством содержимый, точию имя свое часто речением извещая, яко же обычай бывает изумившимся, Симона себе именоваше. Они же Бога заповедавшаго благотворити, елико возможно боящееся жалеющее о нем, да непогибнет в лесных дебрех, или инех неких приключениих споемше его к себе (л. 4) и во своя жилища приведша, предаше же села своего церкви в нем сущаго: святаго Николая Чудотворца, что при реце именуемей Елнати священнику именем Иосифу, аки да вразумляет и просвещает священнодейственными молитвами. Прием же его иерей аки юрода и предаде а работу во всякия домовыя службы, виде бо его аще юрода суща, но повинующася во всем, не прекословяща ни в чем же. Блаженный же, со всяким тщанием и спехом показанная ему дела в доме его по возможности своеи вся исправляше:
в ручных жерновах хлеб меляше без пререкования и дрова сечаше и ношаше на раму своею и полагаше где ему повелеваху и многое 16 водоношение от реки на плещу своем приносяше и все прилежно творящее, но и иная делания работническая всякая (л. 4 об.) не токмо в дому вышереченнаго иерея, но и всем села того жителям самозвано приходя соделовваше, и никогда утишитися престатием хотяше или праздноядением покоем. Внимаше же себе, како бы занаим взяти от кого за своя тяжкотрудная работания, всяко бо ко взятию
мзды являяся, но никогда же сие сотвори, аки безумен: одолжевая сим Вышняго, многия же скорби подея исполняшеся и душею лютее уязвляшеся, да вечныя жизни не лишится. Тем же в подвизе непрестанном и в печали живяше: прибежище же утешения и церковь Божию име. Часто бо в ню прихождаше на словословие Божие, но не яко разумен приходя в ню являшеся, но имущим разум, аки безумен присовокупляяся вхождаше: в ней же отнюд не подвижно стоя во уме своем тайно моления о спасении своем (л. 5) приношаше о укоре же от неразумных человек и уничижении, пхании же и посмеянии весма сеи чудный не внемаше иже когда воспротивися им но точию глаголаше: Господи, не постави им в грех сего. Постелю же себе имяше землю. Покою ради малаго, на неи же лежа многажды без сна пребываше. Тем же удручая себе постом и молитвами бдением и злостраданием, на теле же своем ношаше едину лняницу, обетшавшую весма и многошвенную, обущи когда имети-восхоте, но босыма ногама не точию в лете, но и в зиме выну хождаше, всю же печаль свою на Господа возлагаше, согбенне же и руце свои к персем всегда имея тако
хождаше, мразу же и зною такожде дождю и снегу преестественне терпением одолеваше, яко же бездушный столп, зла же за зло никому (л. 5 об.) отнюдь воздаде, когда за укорение и уничижение противство, зане аще и похабом видимо являшеся, но Христово смирение внутрь в нем обновляшеся и аки в чуждем телеси наветов и озлоблении сице пребысть дивный сей в селе оном 15 лет Богу единому угождая, от обычая же его вси жителие села онаго научившееся десницу у него кийждо всяк себе прошаше. Он же им невозбранно
такожде подаваше и другий обычай присно имяше укаряти себе укоризненными словесы, глаголаше к себе: Симоне юроденесытая гортань, всем вслух всегда вещаше. И тако пребывающу блаженному в селе том иже на Елнати и не благоволи Господь такову светилу в селе том прочее бытии. Но убо блаженныи отиде из села того в болшее народа жилище во град (л. 6) Юрьевец Повольски и бящшая трудодения в нем показа неизмени бо постных подвигов своих и юродственнаго нрава, такожде и одеяния нимало, но единую худую
и многошвенную срачицу на теле своем ношаше: в зиме же и лете не обуванныма ногама хождаше: подобнее и руце свои согбени всегда в пазусе имеяше и похабом себе являше. Тем и укоризненныя глаголы и пхания от простыя чади благодарственнее терпяше и никоего же им противословия воздаше, но со благодарением от них отхождаше. Прочее же терпения его непрестанное несть нам доволно подробну изявити, елико с лотою дождем, снегом, мразом, зноем, солнечным жжением и постом томяше себе покров каковый стяжа,
и ниже иже кущу малаго ради обнощевания, (л. 6 об.) но отнюдь не имеяше где главу подклоняти. Мнози бо человеци видеху его во время лютаго мраза ходяща по граду наготствующа и нози его необувены имуща умиляхуся на него зряща и подаваху ему кийждо по силе от своего богодарованнаго прижития: ову одежду нову, ин сапоги, ин онучи и плесницы и одеваху тело его и обуваху нозе его.Он же отхождаше от них и совлачашеся от теплых риз и обущеи и пометаше на улицах градских небрегомо, яко дабы нищии взяли, иногда же и в корчемницу тако одеян прихождаше, да тамо нощь долгую в год зимы пребудет, понеже
не имяше где обнощевати, ходя же бую не сна приятии, но укоры пхания же и насмеяния претерпети. Они же ту сущии пианицы стужаеми от него, понеже не даяше им нимале уснути, вземше его совлачаху от одеяния и обущей яко бы любо (л. 7) бываху на нем и первое худое лнаное и черное и многошвенное оставлше, или во своя худыя и непотребныя вретища и одеяния облачаху его, и тако изута суща вон от себе изгоняху. Он же, благодарствуя Бога, терпяше, ревнуя псалмопевца Давида речению, еже облачахуся во вретище и смирях постом душу мою и тако отхождаше во улицы града по обычаю своему и неистов творяся, и себе укоряя, глаголя: Симоне юроде не сытая гортань, сия вся с любовию подремли хождаше же в зимния и мночастныя нощи мразом жестоким томим, яко в теплоту бос бо единеи лнанице до заутриа во граде по стогнам и по леду реки Волги и пойным ненаселенным местам при граде его же стопы ног босых многажды на утрии обретах
людие в снезе водружены и дивляхуся твердости терпения его. Обычай же сице имеяше во время дне часто (л. 7 об.) приходити к церквам божиим притекати, а наипаче в монастырь святых Богоявлении, не точию во время святого пения, но и кроме, един безмолвия ради часто прихождаше и в паперти пред иконою преблагословенныя владычицы нашея Богородицы и Приснодевы Марии моляшеся со слезами. Мнози бо человецы, видяху ту по многое время в зиме же и в лете прихождаше часто и в различныя таинственныя храмины юродственным обычаем, желание имея, яко дабы оскорбил его кто. Люди же ту сущии приношаху ему питие и принуждаху его пити, он же у овых убо приемля аки пия, на себе же изливаше, у иных же не приимаше, да всяческими нравы утаит свое волное юродство. Аще ли кто пия пития ему не подаваше, то он у таковых, питие нуждею отимая, на землю изливаше, и за таковое юродственное (л. 8) его дерзновение овии убо ведущи нрав его претерпеваху ему никоего же зла воздающе, инии же биения и раны и реяния творях ему, озлобляюще его. Он же с радостию таковая терпяше, о пищи же и о одежды отнюдь не печашеся, но во всем на Бога надежду свою возложи и на преблагословенную Богородицу, алча на всяк день, и аще кто ему хлеба подаст, приимаше, и того мало вкушая, прочая же небрегома оставляше и себе обычно укоряше юродом и несытою гортанию. В лете же солнечное жение толико терпяше, ниже под сень себе сокрываше, качество же телесе его все измождало бяше и от солнечнаго опаления почернело весма, и кожа от костех отяжена, и тако удручи плоть свою, и яко на некоего сопротивника воста на ню и конечно примирися
царю мира от него же дары прият дивная творити и предглаголати хотящая быти весть бо Господь волю (л. 8 об.) боящихся его творити и молитвы их ко всем послушати.

​

Глава 2-я.
О чудодействиих блаженнаго Симона, яже сотвори во граде Юрьевце Поволском.
Блаженных мужей чудная соделования слышащия удивляют и на похваление Господа нашего прославляемаго во святых своих подвизают, по псалмопевцу: хвалите Бога во святых его и по Соломону: благ и милостив в преподобных его и посещение во избранных его. Сии бо в житии сем и по разрешении от плоти со дерзновением Богу предстоят и еже просят приемлют, якоже являет и настоящая беседа сия о приснопамятнем сем Симоне.
(л. 9) Глава 3-я.
О хождении юродственнем по граду блаженнаго Симона и о прихождении во двор воеводы Третиака Трегуба и о предречении смерти жене его.
В некое время блажннный Симон сей по обычаю своему во граде Юрьевце юродствуяй, прохождаше улицы, являяся неистоствуяй, прииде же в дом воеводы града того, ему же имя бяше Трегуб, инако же обычай имеяше юродствовати: аки бы кроме ума видев же его оный воевода, в горесть прииде, зазирая своему начальству яко в дом его таковыи юрод без опасения безчинуя тако входит, котораше же на рабы своя, яко таковаго ум погубившаго в дом его пустиша: повеле же скоро (л. 9 об.) и безчестно из дому его отгнати да
извык паки не начнет к нему приходити, яростию же всем своим рабом заповеда к тому паки отнюд не пущати в дом его урода сего. Тогда раби его со тщанием повеленное исполняюще, заушающе и реюще изгнаша из дома воеводы того. Блаженнй же Симон уразуме на воеводу хотящую быти казнь вышняго в наказание изгоним к нему вещаше: заутра у тебе с сеней крава свалится, он же не внят глаголемым от раба божия, зане скры в притчи, ей же последова реченное: во утри ибо плачевно забытие узре по пророчеству святаго: жене его именем Акилине на утрии ходящей по сеням дому своего, и некиим случаем, запе-
ишися, сеней тех на землю (л. 10) на землю и велми разразившися умре. Тогда таковую болше- внезапную беду видев, быше помянутый воевода Третиак оскорбися паче меры и плакася неутешно, и тако печалуяся, скорбяше доволно предаде земли тело супружницы своея. От дне же того начат любити и почитати блаженнаго в дом свои начасте приимаше радостным лицем и трапезы всегдашния сподобляше его. Ему же ходящу начасте к воеводе тому во смиреннем мудровании и некогда прорече: яко имать быти вскоре пожар на град сей, Слышав же сия воевода и преждереченная о жене своей воспомянув, прорчения его,
но нивочтоже вмени словеса глаголанная от него, но глаголаше: яко сей человек юрод есть и никогда же смысленно глаголет: но что у него слушати блажен (л. 10 об.) ный же непрестая глаголаше к воеводе и ко всем ту прилучившимся людем: хощет пожар быти на град сей, молитеся Богу, они же не внимающе речением его, но укоряюще и биюще его немилостивно. Блаженный же все радостно терпяше от них и паки отхождаше во улицы града.
Глава 4-я.
О купце именем Логгине называемом Корепе.
В том же граде Юрьевце бе некий купец именем Логгин, названием Корепа, иже любя
блаженнаго по премногу времени же некоему позвавшу и сему Логгин восхотевшу куплет-
ворения ради отплыти из града своего рекою Волгою в нижния грады при рей стоящия,
и в он же день (л. 11) хотящу ему из дома своего отити и мир давше домашним своим, и из
храмины хотящу изыти, Симон же ту прилучившися, рече к нему: Симоне, подай ми руку,
он же подаде ему десницу свою, и пророчески во юродстве своем вещаше: куда мощна
будет тебе, дом же твой огнем от Бога наказан будет. Логгин же, удивляся реченным от
него, пойде в путь свой.
Глава 5-я.
О пожаре бывшем во граде Юрьевце по пророчеству блаженнаго Симона.
По недолзем же времени пророчества блаженнаго попущением Божиим грех ради
наших внезапу в полудне загореся град Юрьевец, зелным и страшным огненным шумом;
и внегда
Начаша (л. 11 об.) дворы запалятися преждепомянутый воевода Третиак, видев таковый гнев Божий и воспомянув проречения святаго, посла по всему граду взысковати его, и обретши повеле привести пред себе, вскоре позна яко воистину есть раб Божии, послании же искавшее обретши его в монастыре, обретше его в монастырь святых Богоявлений при церкви в паперти, начасте бо ту приходящу ему, и молящуся пред образом Богородичным со слезами за град и люди и приведоша и к пославшему я, воевода же видев пришедша святого, нача согражданы молити его, дабы их свободил молитвами своими от таковаго гнева
Божия. Блаженнвй же, видев себе от воеводы м сущих с ним молима, умилися и втайне моляшеся Богу, да утолит праведный гнев свой, обаче яве неяви себе, разумен бо Богу, но прежде по обычаю своему укори юродом и несытою (л. 12) гортанию, нарече. Та же внезапу заушает воеводу по ланите десницею своею. Яко многим ту прилучившимся звук ттой слышати, и указует ему перстом на пламегнь огненный, идеже жилища граждан горяху, дворов же сгоре многое число, и егда показа , тогда погасе огонь, ударением же в ланиту
возбуждает воеводу от неверия, яко от сна и дабы неискушением веровал богу. Людие же избавляшеся от болшия печали и напасти молитвами блаженнаго Симона, прославиша Бога, прославляемаго во свяхых своих.
(л. 12 об.) Глава 6-я.
О преждепомянутом купце Логгине.
По времени же том преждереченный Логин по доволному куплетворении возвратися во своя со многим приобретением. Видев же град Юрьевец такожде и дом свой огнем от Бога наказан, по пророчеству блаженнаго: но обаче благодарствя в себе и дивяся велми добродетелем его, их же ради просветися будущая предлагати и рече: Колико рабов потаенных зде имать себе Господь.

(л. 13) Глава 7-я.
О посаднике некоем именем Иосифе прозванием Зубареве.
Того града Юрьевца жителю некоему именем Иосифу, прозванием Зубареву, прилучися некогла ехати ему в малей ладеице единому, на он пол великия реки Волги, едущее же посреде ея, абие воста буря велия, и ветр зело крепок, и волнение бысть велие, он же от толикаго стремления волнующияся реки и бури нача утопати, и ладиица его погружатися с ним стала в воде от волн тех, яко ему отчаятися и живота своего и в той внезапней беде своей смертоносней узре ходяща по брегу реки тоя блаженнагоСимона и нача в себе
молитится ко Господу Богу и его молитися (л. 13 об.) о себе подвизая, дабы избавитися напрасныя и горкия беды смертныя, и аще молитвами твоими сие получу, то дам ти новую срачицу и сапоги. И паки внезапу буря преста и волны в тишину преложишася, и прееха здрав и идее в дом свой, радуяся велми, и нача паки житии, бывшее же от Бога милостивное ему посещение и от горкия смерти избавение чрез молитвы его, ниже когда в паять свою приведе ни помяне, но забвению предаде и обещанную срачицу и сапоги ему не подаде. Времени же некоему мимошедшу прилучитися блаженному во граде единому стогну некамо проходити, безмолвну тогда часу сущу, никто же сретаяй или предваряяй точие по смотрению Вышняго, предидый к нему един Иосиф, сшедшимся же им рече ко святому, ведый нрав и мирное послушание, просит себе десницы от него глаголя: Симоне, подаждь ми руку, он же гнен подаде ему руки своея, но обозревся и никого же виде, и начат (л. 14) смысленно глаголати к нему: токоли ти подобает творити, друже, забыл еси ты обещание свое, егда посреди Волги во оно время тонул еси и при самой беде смертней был еси, и тогда узрел еси мя по брегу идуща и в помысле своем молил еси мя да помолюся о тебе Христу Богу: еже избавитися тебе от напрасныя тоя смерти, и обещал еси дати мне срачицу и сапоги. Тогда он в память приим бывшее молитвенное посещение начат просити пождания, да вскоре ему обещанное воздаст, о забвении же простих ни искаше: он же христоподражателным нравом милостивым, не восхоте милостыни тоя пряти от него, аще и вскоре сотворити обещавашеся, но токмо единаго в прошении покаяния и прощения требоваше, (л. 14 об.) наказав же его доволно, благодарну бытии о благодеяниях Божиих и незабытливу таже и о милостыни рече, яко тоя ради избавляются напастей и бед творящии ю, и сие проглаголя: нищему простирай руку свою, да соблюдется благословение Божие на тебе. И тако его наказав и рек: Никомуже повеждь содеявшееся, и разум свой тайны ему единому объявленный даже до смерти своея не повеле, иже срачицу и сапоги приготовляти себе, понеже рече не к требе моей сие, и тако глаголя отпусти его с миром и пойде в путь свой, такожде и Иосиф премудрости божией во блаженнем удивляяся, яко и помышления человеческая
ему объявляти и силу божественную в том крыющуюся показати.

​

(л. 15) Глава 8-я.
О священнице именем Алипии.
В том же граде Юрьевце святыя соборныя церкве [святыя] святаго великомученика Георгия бе некий священник именем Алепий. Ему же на обеде ядущу рыбу попущением Божиим, наветом же человекоубийцы диавола, кость рыбная велия ста в гортани его и болезнь тяжкую наведе и от скорби тоя нестерпимыя яко и погибати уже, удавляши бо и много дни пребываше и пития ничтоже пияше, гортань же опухлением надымаяся бяше и болезни ради ниже прикоснутися даяше, преблагий же Христос Бог наш влагает во ум
пресвитеру онему, еже ему от одра своего востати и изыти из дому своего на распутия и стогны малаго ради утешения, понеже отчаяся (л. 15 об.) живота своего и смерти и себе ожидаше, и егда изыде от дому своего, своими ему бе подкрепляем, и приведше его в корчемницу, в ней же питие продается. Блаженному же Симону прилучившеся ту, начасте бо в ню прихождаше и пиющым возбраняше. Иерей же, видев его сидяща и помышляше, глаголати к нему дабы молитву сотворил к Богу. Он же, уразумев духом святым помышление
его, вскочи от места своего дерзосно, идеже седяще, и взем рукама своима за гортань его, начат яко давити, он же от страха и ужаса паде тогда на землю яко мертв. Блаженный же отскочи от него в место свое идеже седяше, людие же прилучившиеся ту вси стекошася над него и видеша тако его лежаща, помышлях мертва быти, свои же его пришедшие с ним плачуще и рыдающе и что сотворити не ведуще, (л. 16) по часе же мале иерей лежа долу укрепися и воста сам бодре здрав сый, яко ничем же никогда боле, и всем ту зрящим изыде
кость велия из гортаниего со многою кровию и нача поведати о себе, яко сице глаголя: внегда вязят мя святый за гортань мою, тогда болезнь некую ощутих, в забвение приидох, яко никако же ми видети себе, падох на землю и помале паки в себе приидох, яко от сна от неведения востах, не ощутих никоея же болезни, яко же и вы днесь видите, но есмь здрав якоже и прежде сего. Сие же чюдо мнози слышаще от иерея поведаемо, такожде и от видевших и купно вси чюдяхуся о блаженнем и прославляху господа.
(л. 16 об.) Глава 9-я
О вдовицыне сыне.
Бысть некая вдовица во дни жития сего святаго в том же граде Юрьевце живяше, имяше же у себе единаго сына, возрастом еще несовершенна, к злонравию прилежаща и остроте безумия токмо поучающася. Она же, видевши его злобою побеждена, часто ранящи и от злоумия к добронравию применити тщашеся. Блаженный же юродственным нравом приходя к сей убозей вдовице, часте бо посещаюше ю, такожде и сына ея знаше и любяше, и егда на стогнах и на распутиах или вне града обреташе блаженный сего отрока играюща со сверстники своими или что безумствующа приглашаше его к себе и возбраняше ему таковая делати и сказо-
ваше пророчески, да в той день от матери своея укрывается, зело бо огорчися и раны тяжкия (л. 17) на тя наложити хощет. Аще укрывшися, то ран избавищися. Отрок же, извещение приемля, матери в тыя дни в няже повелеваше ему не являтися, но где либо скрывашеся и потом паки ища и назирая бяше, где хождение свое святый творит и что ему пророчет, то и сотворит. Егда повелит ему ити к матери своей, он тогда хождаше и биен от нея небываше но и в дом с радостию мати его приимаше, и когда же якоже и предречеся не повелеваше, но и сия прорицаше, яко аще и укрытися имаши днесь, наказания и ран не минеши, еже отроку
тому и збывашеся: сицевое святаго бяше неложному прорицанию о Бозе упование.
(л. 17 об.) Глава 10.
О женах града Юрьевца и окрестныхь его весей.
При житии сего Блаженнаго чудотворца Симона во граде Юрьевце жены имаху обычай, не токмо градския но и окрестножительствующия при том граде в весех, наипаче же неплодным и родившим отрочата, желающим от умирающих чад, хотя единаго в живых видети и тако от некоея жалости со искушением приступати. Но вящий может бытии яко содержими бываху желанием и с желанием назирающе, и иногда и ищуще святаго, где ходити обыче, и наипаче же в торгу, и обретшее его, (л. 18) но обступаше, каяждо отроча своя показоваху и вопрашиваху: жить ли будет или умрет. Он же благодатию Духа Святаго прозирая и будущее делом предсказоваше, и иных бо на руце взимаше, на иных же руку свою возлагаше обаче не словом, но сим токмо над отрочатами житии будущими в мире сем доволно, яко же и прочии человецы, еже и бываше показоваше. И таковыя матери, отрочатам своим приимшия от него сицевое извещение, благодарствующее Бога и радости
исполнишеся, отхождаху в домы своя; таков бо дар прозорливства праведный сей от Бога приял бяше, еже ведети дарованная детищем о нем лета, по Приточнику: ищущи Господа разумевают о всем, аще ли котории отрочата вскоре смертию похищаеми бытии хотящее, то провидев блаженный волю Божию, хотящую над ними исполнятися, таковых на руце свои не взимаше и руки своея на них не возлагаше, (л. 18 об.) но отвращашеся и не взираше и в путь свой отхождаше; и тако матери их слез и печалей исполнися, в домы своя возвращахуся, воистину бо прослави Господь наш праведнаго сего, яко вернаго своего раба по
псалмопевцу речению удиви Господь праподобнаго своего.
Глава 11.
О Петре Сутыреве, како виде блаженнаго Симона ходяща по водам чрез реку Волгу яко посуху.
Некии убо житель града Юрьевца, именем Петр, прозванием Сутырь, его же двор бяше на брезе близ великия реки Волги: сей в некое время в год есени виде необычное видение: в полунощи бо возбудившуся (л. 19) ему от сна егда домашнии его вси спаху. Богу тако изволишу явити, отверз бо храмины своея оконце и зря на реку Волгу. Бе же нощь светла от луны и ветр велик бяше и волны на оной велицей реце немали. Видение же его таково бяше: Оле чудесе идяше бо человек со онаго полу великия реки Волги верху вод, аки по сусей земли ко граду против двора его: присматриваше же Петр той доволно на реку, понеже не обычное зряше, и привидение непщева быти мняше, но егда разсмотри опасно, яко истинна являемое тогда исходит молком тихо из храмины своея, дабы кто из домашних его неуслышал и врата двора своего мало и тихо отверзает, в них жеста паки чудесе страннаго, идяше же (л. 19 об.) прямо двора его по ведам аки стек человека, подпираяся древом некиим от воды ступая на волны, яко на некия холмы и яко летая являяся; сице
шествие того бяше, дойде же брега, на него же восшед, от воды ко зрящему на него Петру идяше, он же познавает грядущаго, аки Симон юродивый, абие ужаса немало исполняется и плотию зелне содрогается, ибо неутаися от блаженнаго прилежное его на него тайное зрение, но Божиею благодатию сый просвещен, приходит к нему во единой по обычаю своему срачице, быше показанным же древом подобне подпираяся о землю, якоже и о воду не юродственным же убо образом, но тихим и сущим разума истиннаго исполненным.
Приемлет же его за десную руку и тихо к нему вещает: мир тебе, друже, та же начат его заклинати именем Божиим никому же виденное явити до дне отшествия своего к Господу, да вместо благословения (л. 20) не приимеши на себе от Господа наказание, ибо Богу восхотевшу о мне худом рабе его сия видети тебе, егда же аз отиду ко Господу, тогда исповеси, аще той благоволит, наказав же его блаженный словесы доволно и с скоростию отходит во улицы града. Той же Петр сподобися таковому чудному видению, благодарствуя и славя прославаляющаго Бога своя рабы и паки с молчанием входит во двор, и во храмине на ложе своем возлег, без сна всю нощь ту пребысть, чудяся премудрости божией в тайнем рабе его сокровенней: бе бо раб божии и смирен муж, кроток нрав и добр имея, смиренным обычаем житие свое проходя в простоте сердца. И по отшествии блаженнаго и чуднаго раба божия Симона в вечную жизнь исповеда всем сущим людем во граде с великою клятвою сие преславное и ужасное чудо, (л. 20 об.) еже слышащее от него вси людие, благодарственная, кииждо возсылающе, чудному во святых Богу яко таковаго чудотворца, во дни их благоволи Бог явити им. Ибо аще бы человек той восхотел и при животе блаженнаго видимое поведати, яко николиже рабы своя оставляет Бог презренны смиренная просящих от него, но исполняет волю боящихся его. Аще же и являет таковая достойным, но язык к поведанию видевших связует, исполняя виденных прошение, желанием избранных своих; внегда же благоволи ему Бог вместо крова дивна дому своего преселититися: темже и вышереченнаго Петра язык к ведению всем поведати оуясни, понеже многих во удивление и непщевание велие подвиже, преславное сие чудо.
(л. 21) Глава 12.
О вышепоказанном чудеси блаженнаго Симона, и сие подобно яко же слышашахом от жителей града Юрьевца победаемо сице.
Бысть некий человек в том же граде Юрьевце, о имени же его оуведети невозмагохом (17) , но токмо во время жития святаго Симона, живый в хижине своей, близ церкви Благовещения Пресвятыя Владычицы нашея Богородицы и приснодевы Марии, яже при реце Волзе близ торга, прост людин сый и нищетою одержим, смирения же образ имание и людскаго сонма себе оукклоняше. Сему мужу подобне, (л. 21 об.) якоже и Петру видение о святем сице бысть: в некую бо нощь исшедшу ему из хижи своея в летния краткия и теплыя нощи ради прохлаждения во улицу понеже и поток от умножения дождей и снежных вод течет, яко ходив, сниде даже и до реки Волги и сматряше на волны от малаго тогда ветра бывшия и прохлаждением утешашеся, и внезапу прозревшу ему на другую страну Волги: и се видит человека со онаго полу идуща по водам, посреде реки яко посуху, тогда оный муж ста на том месте пристрашен и дожда дондеже градый по водам прииде ко брегу на него же восшед и к зрящему глаголаше: что зрение твое брате на мя. Абие же познаваем муж той яко Симон есть юродивый, и со ужасом начат удивлятися, зря на него ничто же глаголя. Блаженный же осклабися, (л. 22) видя его ужасашася, и рече: Аз есмь его же зриши и не привидение есть и обращся с ним на восток и показа ему перстом на оную страну Волги, на место на нем же бе холм высок и древо велие, именуемая сосна, зело превелика бяше, и глаголя ему блаженный: Видиши ли, брате, место оно, еже показах ти, и на нем же по отшествии моем к Богу по четыредесятих летех по преставлении изволением Божиим
создан будет монастырь на спасение иноком, и по доволном глаголати оба во град внидоста, и разидошася кийждо во своя и по исполнении предписанных лет и по отшествии к Богу, по проречению святаго благоволением божиим на предпомянутом месте монастырь общежителный воздвижеся именуемый Кривоезерский иже и доныне всеми видим есть, украшаем многособранием монашествующих в похвалу и славу во святей троице единаго Бога.
(л. 22 об.) Глава 13.
О преставлении святаго и баженнаго Симона.
Егда же достигохом преплывше пучину добродетельнаго течения приснопомнимаго мужа, даже до сострадателнаго его скончания, хождаше бо во граде, негли уведев о себе  яко близ сый кончина, зане склоняяся к слезам же и воздыханиям, видимое же обычно его всем являше юродство, не измени бо нимало своего о Бозе начатаго добродетельнаго пути, им же от юности поиде, но сконча его неизменно даже до смерти своея: наготу и необувение и и прочее терпение Христа ради со смиренною мудростию показа; и по мнозех своих добродетелех (л. 23) во обычном своем и волном юродстве вниде некогда во двор воеводы
града Юрьевца же, ему же имя бяше Феодор прозванием Петелин. Завистию же диаволею воевода оный разярися на блаженнаго про юродственный его нрав, мня бытии прокудника и искусителя, и нача сам бити его своима рукама, такожде и рабом своим повеле бити же и по земли за власы влачити и ногами топтати, и изби его до язв, яко и востати ему от земли невозмощи от того бо избиения, и разболеся блаженны, виде яко диавол нанесе ему сию напасть, завидя добродетельному житию его и сего (л. 23 об.) ради никако же зла помысли на воеводу, но с любовию подъят злую оную напасть Богу, попустившу на нь в наполнение
прочих добродетелей. Ибо искушение на праведника, аще придет, с любовию то подъемлет, себе повинна тому сотворив: понеже бо яко выше в житии его изьявися, не имяше блаженный ко обитанию своему нигде главу подклонити, того ради отвлечен бысть в подхраминная жилища того же двора Феодорова, идеже некую худую постелю ему сотворше, повергоша на ню, и лежа на ней от ран биющих болезненно изнемогаше ни от кого либо какова утешения словом или делом когда приемляше. Болезнь же святаго (л. 24) наипаче
множашеся, яко от тоя тяжкия болезни подвигов его и течения конец приходит, и тогда умныя свои очи обратив ко Господу, и на благоволение его всего себе предаде: страхом же смертнаго часа одержим сый с болезнию в себе глаголаше: проидет ли убо душа моя воду духов воздушных непотоянную, бояся настояния демонскаго, но непоколеблемо упование стяжа на предстательницу всего мира Пречистую Владычицу Богородицу, юже в молитвах своих на помощь непрестанно призываше, да предстанет ему в страшный он смертный час, и милостивно исхитит душу его из рук ненавидящих его, моли же и некоего от рабов
(л. 24 об.) Феодоровых конечную ему любовь сотворити, еже пресвитнра к нему привести, той же шед приведе его. Блаженный же, яко виде пресвитера пришед, возрадовася велми о пришествии врача душевнаго и покаяние со слезами Богови пред иереем принесе, желаше бо избавления души своей, да незапнет ему кий грех в восхождении на небо. И яко виде себе конечно изнемогающа, причащается пречистаго и животворящаго тела и крови Господа Бога и Спаса нашего Иисуса Христа и по отшествии иерееве необретшуся ту никомуже, мирно святую свою праведную и терпеливую предаде душу (л. 25) в руце Бога, его же возлюби. Егда же святая его душа исхождаше от телеси, в той час над двором воеводы
того явишася два врана возлетевше зело высоко и в высоте воздуха сразившеся, падоша на землю мертвы, на нею же мнози зряше тогда чудяхуся. Разсуждающим же образ показанный видится черных ефиопов рыдания, яко страдалец сечи их вражия якоже серна от тенета, изрешився от жития и якоже птица избавися от сети ловящих, прииде к венцеподателю Христу Богу, тело же блаженнаго оста лежащо во дворе Феодорове, умилно и чисто благовоние издающо, яко воистинну умиления киновно, еже егда ощутивше нецы от рабов Феодоровых, вшедши (л. 25 об.) во храмину ту, возвестиша господину своему. Феодор же, увидев преставление святаго, позна виновна себе быти смерти его, притече над тело и виде е умиленно паче же обранено, обличающее безумие и немилосердие его, лежащее на худом рогозинном постлании и непокровенно, и пад на не начат плакати неутешно, лице свое биющи и стенаньми и рыданьми окаявати себе, жития своего ради пространнопитателнаго, и всем сказоваше согрешение свое обличающи и не хотяше утешитися или востати от святаго его телеси, покаяние принося и греху своему искаше прощену быти.
Таже во гроб тело блаженнаго своима рукама полагает. Времени же приспевшу погребения святаго (л. 26) повелевает созвати весь всего града освященный собор. Сшедшимся же им и украшающим обычное подоблющее погребение, еже уведевше града жителие всякаго чина и возраста, елико духовных и мирских вкупе жен и детей, даже и до сущих младенцев, не токмо же градския, но и близ окрестных весей множество народа стекошася, ту же приидоша тогда от благочестиваго царя прислании чиновницы град Юрьевец описовати и пределы его – Постник нарицаемы Шипилов с сущими при нем и инии и иных ради царских дел бывшии. И тако погребоша преподобнаго и дивнаго мужа того честно с подобающим надгробнаго пения следованием в том граде Юрьевце в монастыре (л. 26 об.) святаго Богоявления Господа Бога и Спаса нашего Иисуса Христа в лето от сотворения мира седмь тысяч сто второе, от Спасительнаго же воплощения тысяча пять  сот девять десять четвертое месяца ноемврия в 4 день в пяток на память преподобнаго отца нашего Иоанна Великаго в царство же благочестивыя державы православнаго и приснопамятнаго Государя нашего царя и великаго князя Феодора Иоанновича, всея России Самодержца, престол же тогда правящу царствующаго града Москвы преосвященному Дионисию, митрополиту всея России. Вышереченный же воевода Феодор на погребении преподобнаго плакаше неутешно и творяще милостыню многу, нищим и вдовицам (л. 27) и сиротам, завещавая молитися о своем согрешении и о упокоении души приснопамятнаго
раба Божия, но убо тайная сердец зря и на смиренныя призираяй Бог, паче же на покаяние обращаюшимся приемляй. Изрядно во чудо в день погребения блаженнаго телесе показа, еже всяко прощение греха молитвами святаго Феодору оному известно показует, вкупе и веру его несумненную и истинное покаяние всем в показание являет. Егда бо хотяше ити на погребение телесе блаженнаго Симона взят доволно от влагалища в мешец сребра, дабы в милостыню (л. 27 об.) е издавати сирым и вдовицам нищим. Егда же с погребения прииде в дом свой, тогда повеле рабом своим иеренский и диаконский чин и прочих от церковнаго причта, вкупе же и монашествующих и всех нищих такожде в дом свой собрати и трапезы
приготовляти и поставляти, да сам им послужит и упокоит я изшедших же убо рабом его повеленнаго ради. Сам же прииде ко влагалищу, нача исчисляти в нем оставшееся сребро, дабы убедел, что в милостыню раздал и что оста. И тако сочте о преславных твоих чудес всемогий и дивный во святых своих Христе Царю, се сребро его все бысть цело и ничтоже изгибе (л. 28) ниже един пенязь, но колико бяше… (полторы строчки неразборчиво: смытый текст) И в час той паки обрете сея Богу показающую свою благостыню, яко покаяние грешника толико ему приятно бысть яко и весь к милостыни приклоняется и богатодарная чудеса на кающихся обилно изливает, вкупе же и о своем угоднике известие творя,
тако и ныне ради блаженнаго Симона истощенное сребро в милостыню присущием Божия милости неумалися. О сем преславнем чудеси воевода оный велми удивися и со слезами и молитвой умилением прослави человеколюбца Бога творящаго дивныя чудеса своими рабы, такожде уразуме святаго и праведнаго сего быти раба Божия велия и всем (л. 28 об.) сшедшимся к нему поведа сие божие великоделие, и вси воздаша славу и хвалу Христу Богу и Пречистей Его Матери. И сим извещение предал бяше греху своему не попрощену быти , понеже не ложное свидетельство о чудеси сем имея: потому же слышал бе о незлобии святаго и вознепщева, яко еще лежа в болезни сый умилостиви Бога о прощении греха его, понеже святым сие обычно есть, еже о ненавидящих я и напасти им нанесших молитися по заповеди Христа, рекшаго: Молитеся за творящих вам напасти и изгонящих бы. Сице убо блаженный и преподобный Симон течение свое сконча в Господе радуюся, подвигом добрым подвизался и веру непорочно соблюде, тече и потщася, дондеже достиже (л. 29) в разум Сына Божия в мужа совешенна, в меру возраста исполнения Христова.
Глава 14
О чудесех святаго и блаженнаго Симона Христа ради юродиваго яже быша по преставлении его.
Преславная убо поведана быша яже от сея истории вкратце о житии пресловущаго в делех и чудесех Христова послушника страдалца доблественнаго, столпа непоколебимаго, адаманта твердаго пречуднаго Симона, иже от зелныя любье своея, юже име к подвигополож (л. 29 об.) нику и вечных благ подателю Христу Богу юрод в мире сем изволи бытии, да тому единому премудрая явится. Приидохом же и на чудодействия его, яже быша по честнем преставлении его. Егда бо чудны сей преселися во страну Отечествия горнаго,
о нем же в жизни сей подвизася Божиим велением, и погребено бысть тогда трудолюбивое тело его во граде Юрьевце в монастыре Богоявления Господня, якоже выше о том предъявися. И оттоле место оно бяше небрегомо, идеже погребено тело его си есть без призрения, якоже и прочих умерших, и бысть тако с двадесять с седми лет: но аще гроб его человек (л. 30) и небрегом бяше, но от Бога призрен чудесно бо весть той угодников своих телеса снабдевати, яко жилища быша Святаго Духа и нетленно соблюдати даже до дне втораго пришествия своего. Егда же мановением того по претечении вышереченнаго числа лет по
преставлении святаго и по бывших на град Юрьевец от безбожных ляхов разорениях священницы и парохиане церкве Богоявления Господа нашего Иисуса Христа начаша строения ради новыя церкве землю изравнивати и место изготавливати в лето по седми тысящах сто двадесять седмое, идеже бяху землю изравнивающе яже име к подвигу юродства (л. 30 об.) ту прилучися и гроб блаженнаго Симона во угле пред правым клиросом. И обретоша тогда над гробом его на земли сокровенну плиту каменну немалу, на ней же изображене честнаго и животворящаго креста образ, иже мню хотением Божиим изобразися, а не
человеческим начертанием: являет истинное святаго по Господе житие, и распятие его мирови и ему мир, обретшися бо ту вси сошедшеся удивляхуся, зане известно вси знающи, яко ту погребен есть блаженнии Симон Юродивый. Мнози бо тогда бяху помнящи и погребения его самовидцы бывши и о плите оной недоумевахуся отнюдь, како (л. 31) над гробом обретеся, зане не положися во время погребения его, такожде и последи никогдаже, но аще бы сей и положенней быти, но обаче всяко верху бы земли, яко же обычай есть людский. Внегда же основану бывшу новому Богоявления Господня храму и в дело происходящу
прилучися убо Божиими судбами а не человеческим хотением гроб святаго Симона внутрь самыя церкве противу клироса десныя страны во угле, в каковых местех и в приношениях многих святых телеса полагаются. Сей же бысть строением вышняго, якоже речеся: без совета людскаго, аки чрез намерение и совет тогдашних (л. 31 об.) церкве создателей, каковое святому красное и святых чудес положению достойное приуготовляся место: тогда честнаго того храма священницы и причет зряще, яже о блаженнем бываемая и яко Бог своего угодника прославляет познаша и изволиша место оно не оставляти просто, но повелевает над гробом блаженнаго построити гробницу древяну под помостом церковным видения ради, где погребен бысть, поминающе житие его терпеливое, к тому же и соизволяющи ти народ имяху , наипаче же престарелых денми, помнящих и добре сведущих добродетели святаго. Еще и бысть (л. 32) по тем чудесем абие последоваше и иное чудо в ползу верным устрояющее: в час бо той в он же священницы и людие совет творяше о блаженнаго гробнице и место древоделием указующе, прииде в церковь, тогда еще строимую, жена некая тогожде града Юрьевца именем Соломония и нача молити священников, да над гробом
блаженнаго Симона правило усопших обычно приношением ея свещи и кутиа, еже глаголется панихида, сотворяет. Обычай бо бяше всем гражданом и в селех живущим мужем и женам от того времени, егда преставися блаженный сие правило панихиду повсевременно (л. 32 об.) и на памяти его и по обещаниям своим приходя на гробе совершати иже содержится даже и доныне: и аще вышний и благоволит, то и да изменити может, еже другому бо место того молебнаго пения, обычай совершати, яко же и прочих святых. Но последующая паки да глаголются с прошением своим Соломония приложи глаголати, и посещением свя-
таго и вину поведати ея же ради прииде. Бысть, рече, болети ми в велицей и тяжцей болезни мало не два лета, яко и со одра не воставати ми, и в болезни моей молящемися Господеви и Пречистей Богородице, дабы ми от протяженнаго того недуга (л. 33) здравие получити, или житию моему конец определити: в помощь же призывах святаго Симона: в прешедшую же нощь мало воздремавшей ми и и зело тонце яко во сне и узрех во храмину мою тихо вшедша человека и одру моему представиша во единей срачице долготою до колену не
обувена, возраст имуща средний, черна власы, брада средняя без брудей и скуловат лицем, власы на главе велики некудрявы и лица незакрыло, руце к персем согбены имуща и глагола ми: воставши иди в монастырь святых Богоявлений и над гробом блаженнаго Симона

​